جی سی ویمن یونیورسٹی فیصل آباد میں پانچ روزہ تربیتی پروگرام کا آغاز

جی سی ویمن یونیورسٹی فیصل آباد میں پانچ روزہ تربیتی پروگرام کا آغاز

فیصل آباد گورنمنٹ کالج ویمن یونیورسٹی فیصل آباد میں ہائر ایجوکیشن کمیشن کے نیشنل آؤٹ ریچ پروگرام کے تحت پانچ روزہ کپیسٹی بیلڈنگ تربیتی ورکشاپ منعقد ۔
آفس آف ریسرچ اینڈ انوویشن کے زیر اہتمام ہائر ایجوکیشن کمیشن کے تعاون سے اس ورکشاپ کا اہتمام کیا گیا ہے جس کا مقصد
فیصل آباد کے نمایاں تعلیمی اداروں کے منتظمین کی انتظامی صلاحیتوں کو بہتر بنانا ہے۔ورکشاپ میں
جی سی ویمن یونیورسٹی اور نیشنل ٹیکسٹائل یونیورسٹی کے 30 انتظامی سربراہان شرکت کر رہے ہیں۔
پانچ جامع ماڈیولز پر مشتمل یہ ورکشاپ انتظامی مہارت کے کلیدی پہلوؤں کا احاطہ کرتی ہے جن میں انتظامی و باہمی مہارتیں، قیادت کی حکمت عملی و پالیسی، کاروباری روابط، مالی انتظام، اور خریداری کی منصوبہ بندی شامل ہیں۔ وائس چانسلر پروفیسر ڈاکٹر کنول امین (تمغہ امتیاز) ورکشاپ کی کنوینیر ہیں جبکہ ڈائریکٹر اورک ڈاکٹر حرا منیر نگران کے فرائض سر انجام دے رہی ہیں وائس چانسلر پروفیسر ڈاکٹر کنول امین نے کہا کہ ہم فکلیٹی اور سٹاف ونگ بنائیں گے ۔اور ان کی تربیت کا جب بھی جہاں بھی موقع ملا اس سے فائدہ اٹھاتے رہے گے انہوں نے کہا کہ سیکھنا انسان کی ضرورت بھی ہے اور اس کی فطرت میں بھی شامل ہے اس لئے اس کے لئے تیار رہنا چاہیے۔انہوں نے
عزم کا اظہار کیا ہے کہ یہ ورکشاپ علاقائی و قومی شراکت داروں کے ساتھ تعلیمی و انتظامی معیار مزید بہتر بنانے کی جانب اہم پیش رفت ہے۔ انہوں نے تدریسی اور غیر تدریسی عملے کی صلاحیتوں کے فروغ کی اہمیت پر زور دیا۔ اور کہا کہ انتظامی افسران کی صلاحیتوں کا نکھار اتنا ہی ضروری ہے جتنا تدریسی عملے کا کیونکہ ایک مکمل اور تربیت یافتہ عملہ ہی ادارے کی کامیابی کے لیے کلیدی کردار ادا کر سکتا ہے۔
پروفیسر ڈاکٹر کنول امین نے ہائر ایجوکیشن کمیشن کے وژن سے یونیورسٹی کا ویژن ہم آہنگ قرار دیتے ہوئے پروفیشنل زندگی میں اخلاقیات، تکنیکی، اور انتظامی صلاحیتوں کو ناگزیر قرار دیا۔
راجہ آصف حسین اسسٹنٹ ڈائریکٹراین اے ایچ ای ہائر ایجوکیشن کمیشن اس ورکشاپ کے نگران
جبکہ انجینئر ڈاکٹر اقصیٰ شبیرایسوسی ایٹ پروفیسر لاہور کالج ویمن یونیورسٹی آج کی ریسورس پرسن ہیں۔

Share

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے